ٹھٹھہ، خفیہ اطلاع پر زمین میں دفن بھاری اسلحہ و بارود برآمد

ٹھٹھہ (نمائندہ جسارت) ایس ایچ او تھانہ میرپور ساکرو سب انسپکٹر گل حسن کچھیار نے دوران گشت خفیہ اطلاع ملنے پر کوسٹل ہائی وے ساکرو تا بہارا روڈ پر کھدائی کے دوران 7 ایس ایم جی کلاشنکوف معہ 4 میگزین، 2 پستول، 6 ڈیٹو نیٹرز معہ 20 میٹر وائر، 2 ہینڈ گرنیڈ، 6 ہینڈ گرنیڈز کی پنس، 13 میگزین کورس، 12 رائفل کی سلنگ کڑیاں اور 4 اسلحہ صفائی کے کپڑے برآمد کرلیے۔ اسلحہ زمین کے اندر گڑھے میں دبایا گیا تھا جو کسی بڑے دہشت گردی کے واقعہ میں استعمال ہونے کا امکان تھا جوکہ ٹھٹھہ پولیس نے بروقت اطلاع ملنے پر ناکام بنا دیا۔ پولیس نے اسلحہ اور بارود تحویل میں لے کر مقدمہ درج کرکے تفتیش کی جارہی ہے۔ ایس ایس پی ٹھٹھہ شبیر احمد سیٹھار کے احکامات پر ڈی ایس پی سی آئی اے ٹھٹھہ، ڈی ایس پی ساکرو اور ایس ایچ او ساکرو پر مشتمل جے ٹی آئی ٹیم تشکیل دی گئی ہے جوکہ اس کیس کی تفتیش کرے گی۔