لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے 18 جرائم پیشہ افراد کو گرفتار کرکے اسلحہ، چوری شدہ بھینس، موٹر سائیکل اور چرس برآمد کرلی ہے۔ مارکیٹ پولیس نے پانچ ملزمان عرفان جتوئی، غفور جتوئی، کاشف عرف کاشی جتوئی، شہاب کھوکھر اور پرویز کلہوڑو کو پستول سمیت، الہٰی بخش سیال پولیس نے ملزم آصف بروہی کو 5 کلو چرس سمیت، خان محمد چانڈیو کو 8 کلو بھنگ سمیت، رتوڈیرو پولیس نے روپوش ملزم راشد جلبانی ریوالر اور گولیوں سمیت، تعلقہ پولیس نے قتل کے مقدمے میں مطلوب دو ملزمان جاوید کھکھرانی اور واجد کھکھرانی کو بندوقوں اور کارتوسوں سمیت، سیہڑ پولیس نے ملزم رحمٰن لاکیر ڈبل بیرل بندوق اور کارتوسوں سمیت، جدید ٹیکنالاجی ہوٹل آئی مینجمنٹ ذریعے کراچی سے روپوش ملزم شاکر کو جبکہ دڑی پولیس نے جوا کے اڈے پر چھاپا مارکر 6 جواریوں آغا شیخ، غلام حیدر شیخ، اسلم شیخ، راشد اور منظور کلہوڑو کو نقدی سمیت گرفتار کرلیا۔ دوسری جانب ماہوٹا پولیس نے چوری شدہ بھینس اور موٹرسائیکل برآمد کرکے اصل مالکان کے حوالے کردی ہیں۔
