لاڑکانہ (نمائندہ جسارت) لاڑکانہ شہر کے تھانہ رحمت پور کی حد گورنمنٹ بوائز پرائمری اسکول کیٹل کالونی میں معمولی بات پر دو اساتذہ میں جھگڑا ہوا جس کے نتیجے میں پرائمری اسکول ٹیچر علی اصغر پیرزادو شدید زخمی ہوئے جبکہ متاثر ٹیچر کی جانب سے پولیس کو شکایت کرنے پر انہیں میڈیکل لیٹر دے کر علاج کے لیے چانڈکا اسپتال منتقل کیا گیا جہاں انہیں طبی امداد دی گئی، دوسری جانب اسکول کے اساتذہ نے دونوں اساتذہ میں صلح کرواتے ہوئے معاملے کو حل کردیا۔
