نوابشاہ (ڈسٹرکٹ رپورٹر) تیررفتار کار کی ٹکر سے بچہ جاں بحق، دو افراد شدید زخمی حادثے کے بعد کار کھائی میں جاگری، زخمیوں کو نازک حالت میں اسپتال منتقل کیا گیا۔ نوابشاہ قاضی احمد روڈ گائوں علی حسن زرداری کے قریب تیز رفتار کار کی ٹکر سے سڑک پار کرنے والا بچہ موقع پر ہی جاں بحق ہوگیا جبکہ حادثے کے بعدکار کھائی میں جاگری جس میں سوار دونوں افراد شدید زخمی ہوگئے، حادثے کے بعد قریبی علاقوں کے لوگوں نے کار سوار زخمیوں کو باہر نکالا اور نازک حالت میں اسپتال منتقل کیا گیا جہاں اس کی حالت تشویشناک بتائی جاتی ہے۔
