شیخوپورہ کی تحصیل صفدرآباد میں نامعلوم مسلح افراد کی کار پر فائرنگ کے نتیجے میں 5 افراد جاں بحق ہوگئے۔
پولیس کے مطابق واقعہ شاہکوٹ روڈ پر شورکوٹ کے قریب پیش آیا جہاں نامعلوم مسلح موٹرسائیکل سواروں نے کار پر گولیاں چلادیں۔
موٹرسائیکل سوار حملہ آور واقعے کے بعد فرار ہونے میں کامیاب ہوگئے جبکہ شدید فائرنگ سے علاقے میں خوف و ہراس پھیل گیا۔
پولیس کا کہنا ہے کہ مقتولین کا تعلق نواحی گاؤں آواگت سے ہے ، فائرنگ کا واقعہ دیرینہ دشمنی کا شاخسانہ معلوم ہوتا ہے اس سے قبل بھی 12 افراد کو قتل کیا جاچکا ہے۔
