پاکستان سپر لیگ (پی ایس ایل)کے پانچویں ایڈیشن کی تیاریاں زور و شور سے جاری ہیں اور ٹورنامنٹ میں شامل فرنچائزز اپنے اسٹاف اور ٹیموں کو حتمی شکل دے رہی ہیں۔
پاکستان سپر لیگ کی ٹیم پشاور زلمی نےجنوبی افریقی بلے باز لیجنڈ ہاشم آملہ سےپی ایس ایل فائیو کے لیے بطور بیٹنگ مینٹورمعاہدہ کر لیا ہے۔
میڈیا رپورٹس کے مطابق پشاور زلمی کے چیئرمین جاوید آفریدی نے ہاشم آملہ کی تقرری کا اعلان کرتے ہوئے کہا کہ ان کی ڈگ آؤٹ میں موجودگی سے نئے ٹیلنٹ کو بہت فائدہ ہو گا اور کھلاڑیوں کو بیٹنگ کے گر سیکھنے کو ملیں گے۔
جاوید آفریدی نے کہا کہ ہاشم آملہ لیجنڈ بلے باز اور دنیائے کرکٹ کا بڑا نام ہیں، انہیں زلمی فیملی میں خوش آمدید کہتے ہیں۔
واضح رہے کہ جنوبی افریقن بلے بازہاشم آملہ حال ہی میں انٹرنیشنل کرکٹ سے ریٹائر ہوئے ہیں،ہاشم آملہ نے 124 ٹیسٹ، 181 ون ڈے اور 44 ٹی ٹوئنٹی میچز میں جنوبی افریقا کی نمائندگی کی۔
