دادو (نمائندہ جسارت) تھانہ اے سیکشن ایس ایچ او نور مصطفی پٹھان کی شہر میں منشیات کیخلاف کارروائیاں، دس ملزمان گرفتار کرلیے، نشہ آور سوپاریاں، چرس اور ہیروئن برآمد۔ تھانہ اے سیکشن کے ایس ایچ او نور مصطفی پٹھان نے منشیات فروشوں کیخلاف کالج روڈ، نیو چوک اور دیگر علاقوں میں کارروائیاں کی گئیں، جس میں 10 ملزمان گرفتار کرلیے گئے۔ ملزمان سے گٹکا، چھالیہ، ہیروئن اور چرس برآمد۔ مضرِ صحت گٹکا، سوپاریوں سمیت گرفتار ہونے والوں میں ملزم امجد خاصخیلی، عمران پنہور، غلام شبیر لغاری، آصف اعوان، مولا بخش عرف میر علی لاشاری، عبدالرشید ملاح اور صدام حسین ملاح جبکہ ملزم امداد پنہور کو ہیروئن سمیت گرفتار کیا گیا۔ ملزم مقصود بھٹو اور ملزم اللہ بخش خاصخیلی چرس سمیت گرفتار کیے گئے۔ تمام گرفتار منشیات فروشوں کیخلاف تھانہ اے سیکشن پر مقدمات درج کرلیے گئے۔ ایس ایچ او نور مصطفی پٹھان نے بتایا کہ شہر میں منشیات فروشی میں ملوث افراد کو معاف نہیں کیا جائے گا، شہر میں چوری کی وارداتوں اور جرائم کی روک تھام کے لیے کوشاں ہیں۔
