حیدر آباد (اسٹاف رپورٹر) سنی تحریک کے رہنما ایم چمن خان نقشبندی نے اجتماع سے خطاب کرتے ہوئے کہاکہ طلبہ قرآن اورنظام مصطفیﷺ کے نفاذ کے لیے مجاہدانہ کردار پیش کرتے ہیں۔ قرآن وہ کتاب ہے جس میں تمام انسانوں کے لیے ہدایت ہیں، اس میں ایمان والوں کے لیے شفا ورحمت ہے، قیامت کے دن قرآن پڑھنے والوں کے لیے قرآن اللہ سے سفارش کرے گا۔ اس موقع پر مولانا آفاق احمد قادری‘ دعوت اسلامی کے فرمان خان ودیگر نے بھی خطاب کیا۔
