لاہور: پاکستان نے پہلے ٹی 20 میچ میں بنگلا دیش کو 5 وکٹوں سے شکست دے کر سیریز میں 1-0 کی برتری حاصل کرلی۔
لاہور کے قذافی اسٹیڈیم میں کھیلے گئے پہلے ٹی20 میچ میں بنگلادیش کے کپتان محموداللہ نے پاکستان کے خلاف ٹاس جیت کر پہلے خود بیٹنگ کرنے کا فیصلہ کیا اور مقررہ 20 اوورز میں 5 وکٹ کے نقصان پر 141 رنز بنائے جس کے جواب میں قومی ٹیم نے مطلابہ ہدف 5 وکٹ کے نقصان پر پورا کیا۔
ہدف کے تعاقب میں بابراعظم اور احسان علی نے اننگز کا آغاز کیا تاہم کپتان پہلے ہی اوور کی دوسری گیند پر کھاتہ کھولے بغیر پویلین واپس لوٹ گئے جس کے بعد محمد حفیظ بیٹنگ کیلئے آئے اور صرف 17 رنز ہی بناسکے۔
Dramatic finish! Pakistan win. #PAKvBAN #T20 #Lahore #GaddafiStadium
P.C: @TheRealPCB pic.twitter.com/TheIDZ7lIA
— Cric Mindz (@CricMindz) January 24, 2020
شعیب ملک اور احسان علی نے ذمہ دارانہ بیٹنگ کا مظاہرہ کرتے ہوئے اسکور بورڈ کو آگے بڑھایا، احسان 36 رنز بناکرآؤٹ ہوئے، افتخار احمد 16 کے مہمان ثابت ہوئے اور عماد وسیم 6 رنز پر بولڈ ہوئے تاہم شعیب ملک نے ذمہ داری کا مظاہرہ کرتے ہوئے نصف سنچری اسکور کرکے ٹیم کی جیت میں اہم کردار ادا کیا، وہ 58 رنز پر ناٹ آؤٹ رہے۔
بنگلادیش کی جانب سےتمیم اقبال اور محمد نعیم نے ٹیم میں 71 رنز کا عمدہ آغاز فراہم کیا، تمیم اقبال 39 رنز بنانے کے بعد رن آؤٹ ہوئے جس کے بعد آنے والے بلے باز لٹن داس بھی 12 رنز بناکر رن آؤٹ ہوئے جبکہ محمد نعیم 43 رنز کی اننگز کھیلنے کے بعد شاداب خان کا شکاربنے۔
Our national women's team's players were chief guests at a local school sports festival in Karachi
Along with appreciating the youngsters for their achievements, they encouraged them to work hard towards their goals.#BackOurGirls pic.twitter.com/bAOCB4pdjh
— Pakistan Cricket (@TheRealPCB) January 24, 2020
کپتان محمد اللہ نے عفیف حسین کے ساتھ اننگز کو آگے بڑھانے کی کوشش کی لیکن عفیف کو حارث رؤف نے بولڈ کرکے انٹرنیشنل کرکٹ میں اپنا پہلا شکار کیا۔ سومیا سرکار 7 رنز بنانے کے بعد پویلین واپس لوٹے، کپتان محمد اللہ 19 رنز پر ناٹ آؤٹ رہے۔
قومی ٹیم کی جانب سے شاداب خان، حارث رؤف اور شاہین شاہ آفریدی نے ایک ایک وکٹ حاصل کی۔
واضح رہے کہ پاکستان اور بنگلہ دیش کے درمیان دوسرا ٹی 20 کل کھیلا جائے گا ۔
