لاڑکانہ (نمائندہ جسارت) لاڑکانہ کے قریب رتو ڈیرو بائی پاس پر تیز رفتار ٹرک اور موٹرسائیکل میں ٹکر کے نتیجے میں اسکول جانے والے پانچ طالبعلم بچے شدید زخمی ہوئے جن میں صفدر کھوکھر، جنید احمد، عبدالصمد، منصور اور جمیل احمد کھوکھر شامل ہیں جنہیں ٹرک ڈرائیور اور مقامی لوگوں نے زخمی حالت میں چانڈکا اسپتال کے شعبہ حادثات منتقل کیا، جہاں انہیں طبی امداد دی گئی، زخمیوں کے مطابق وہ صبح کے وقت موٹرسائیکل پر سوار ہوکر اسکول جارہے تھے کہ راستے میں تیز رفتار ٹرک اور موٹرسائیکل میں ٹکر کے نتیجے میں وہ زخمی ہوئے ہیں جبکہ ڈاکٹروں نے پانچوں زخمی طالبعلم بچوں کی حالت خطرے سے باہر بتائی ہے۔
