میلبورن(جسار ت نیوز) روس کی بین الاقوامی شہرت یافتہ ٹینس اسٹار ماریا شیراپووا آسٹریلین اوپن ٹینس ٹورنامنٹ ویمنز سنگلز کے ابتدائی رائونڈ میں ہی شکست کے بعد میگا ایونٹ سے باہر ہوگئیں۔ انکو میگا ایونٹ کے ویمنز سنگلز کے پہلے رائونڈ میں کروشین کھلاڑی ڈونا ویکک نے شکست دیکر ایونٹ سے باہر کر دیا۔ منگل کو آسٹریلیا کے روڈ لیور ایرینا میں کھیلے گئے میچ میں کروشین ٹینس اسٹار ڈونا ویکک نے انتہائی شاندار کارکردگی کا مظاہرہ کرتے ہوئے روسی ٹینس کوئین کو اسٹریٹ سیٹس میں 6-3 اور 6-4 سے شکست دیکر میگا ایونٹ سے باہرکردیا۔
