کراچی کی گندگی کا مسئلہ
کراچی مملکت خداداد پاکستان کا سب سے بڑا شہر ہے اور یہ شہر آج کل بے انتہا مسائل میں گھرا ہوا ہے جس کی طرف نہ حکومت ِ پاکستان توجہ دیتی ہے اور نہ ہی حکومت ِسندھ اپنی ذمے داریوں کو سمجھنے کے لیے تیار ہیں۔ کراچی میں جگہ جگہ گندگی اور کچرے کے ڈھیر لگے ہوئے ہیں جس کے باعث گلیوں، محلوں سے عام شہریوں خصوصاً طلبہ و طالبات کا تعلیمی اداروں تک پہنچنا محال ہوگیا ہے۔ دوسری جانب سیوریج کی بدتر صورت حال ہے اور بارش کے پانی کی نکاسی کا بھی کوئی موثر انتظام موجود نہیں ہے۔ حکومت کو چاہیے کہ کچرا پھینکنے کے لیے مناسب انتظام کرے اور اس شہر کے مسائل حل کرنے کے لیے اقدامات کرے۔ حکومت کے ساتھ ساتھ کراچی کے شہریوں کا بھی یہ فرض ہے کہ وہ اپنے شہر کی صفائی کا خیال رکھیں اور اپنے شہر کو سرسبز و شاداب اور صاف ستھرا رکھیں۔
اربیہ اسد خان، اورنگی ٹائون کراچی
