اسلام آباد (جسارت نیوز) قومی انڈر۔21 جونیئر اسنوکر چیمپئن شپ میں پری کوارٹر فائنل مقابلے آج کھیلے جائیں گے۔ گذشتہ روز پاکستان اسپورٹس کمپلیکس اسلام آباد کے اسنوکر ہال میں کھیلے گئے میچوں میں محمد سلیم نے عبداللہ کو 3-1 سے، سعاد خان نے زیب خان کو 3-0 سے، عمران خان نے علی حیدر کو 3-0 سے، محمد احمد نے محمد سالک کو 3-0 سے، حارث طاہر نے سجاد عبداللہ کو 3-0 سے، محمد نسیم اختر نے زاہد خان کو 3-0 کو، شیخ محمد مدثر نے عریج ارسلان کو 3-0 سے، شہریار خان نے محمد شہریار عباس کو 3-2 سے ہرا دیا۔ آج پری کوارٹر مقابلے کھیلے جائیں گے۔ پری کوارٹر مقابلوں میںحارث طاہر کا مقابلہ فرحان مجید سے، شاہ زیب ملک کا مقابلہ شہریار خان سے، سعاد خان کا مقابلہ عریج ارسلان سے، محمد نسیم اختر کا مقابلہ عمران خان سے،محمد احمد کا مقابلہ عمر فاروق سے، محمد سلیم کا مقابلہ شیخ محمد مدثر سے، کامران مسیح کا مقابلہ احسن رمضان سے، زیب خان کا مقابلہ محمد عمر خان سے ہوگا۔
