کراچی (اسٹاف رپورٹر)ماسٹر ہاکی سیریز کے دوسرے میچ کیلئے پاکستان ماسٹر ہاکی ٹیم کا اعلان کردیا گیا۔ ٹیم میں 5 تبدیلیاں کی گئی ہیں ، اشعر قدوائی ، عارف صدیقی ، زاہد غفار ، جان محمد اور تسنیم عثمانی کی جگہ طاہر حبیب ، محمد شاہد ، مزمل حسین ، محمد عمران اور عرفان علی کو شامل کیا گیا ہے۔ عمان ماسٹر ہاکی ٹیم کیخلاف دوسرا ٹیسٹ میچ آج کھیلا جائیگا ۔3میچوں پر مشتمل سیریز کے دوسرے ہاکی ٹیسٹ میچ کیلئے پاکستان ماسٹر ہاکی ٹیم ان کھلاڑیوں پر مشتمل ہوگی۔ اولمپیئن ایاز محمود ( کپتان ) راشد یعقوب ، معصوم علی ( گول کیپرز ) اسد قریشی ، جاوید مظہر ، عرفان علی ، مزمل حسین ( فل بیکس ) سمیر سلیم ، آصف احمد خان ، افتخار احمد ، واصف رضا ، محمد عمران ( ہاف بیکس ) اولمپئن قمر ابراھیم (نائب کپتان) اولمپئین کامران اشرف ، اولمپئین سید سمیر حسین ، اولمپئن کاشف جواد ، محمد علی ، طاہر حبیب ، محمد شاہد ، اور امتیاز علی( فارورڈز )۔ امتیاز شیخ منیجر اور اولمپئین افتخار سید کوچنگ کے فرائض انجام دینگے۔
