سکھر( نمائندہ جسارت) سکھر میں پولیس مقابلہ،تھانہ پنوعاقل کی حدود بشیرآباد لنک کے قریب پولیس پارٹی کا واردات کے ارادے سے کھڑے ڈاکوؤں سے مقابلے میں ایک ڈاکو زخمی حالت میں گرفتار کر لیا گیا، پولیس پارٹی کادوران گشت اطلاع پر بشیرآباد لنک روڈ کے قریب واردات کے ارادے سے کھڑے ڈاکوؤں سے مقابلہ ہوا، گرفتار زخمی ڈاکو ، قتل اقدام قتل موٹرسائیکل چوری پولیس مقابلوں سمیت متعدد سنگین جرائم میں سکھر پولیس کو مطلوب تھا، گرفتار ڈاکو کی شناخت سونو ولد امام بخش عرف کریم بخش میرانی سکنہ سنگرار کے نام سے ہوئی ہے،ملزم کے قبضہ سے ٹی ٹی میگزین پستول گولیاں برآمدکی گئی ہیں،گرفتار زخمی ڈاکو کو روہڑی تعلقہ اسپتال منتقل کردیا گیا، دیگر فرار ڈاکوؤں کی گرفتاری و تعاقب کیا جا رہا ہے۔
