کراچی (اے پی پی) مہتاب چائولہ دوسری ویٹرنز ہاکی لیگ میں اولمپئین کاشف جواد نے پہلی ہیٹ ٹرک بنانے کا اعزاز حاصل کرلیا، لیگ میں مزید3 میچوں کا فیصلہ ہوگیا، پاکستان ویٹرنز گرین نے ٹی این ٹی ویٹرنز کو 8-0 سے، موورز ویٹرنز نے پاک فلیگ ویٹرنز کو 4-1 سے شکست دیدی، ائیرپورٹ اور پاک ویٹرنز ریڈز کے درمیان کھیلے جانے والا تیسرا میچ ریڈز کے کپتان تسنیم عثمانی کی والدہ کے انتقال کے باعث نہ ہوسکا۔ گزشتہ شب کھیلے گئے میچز میں پنجاب ہاکی ایسوسی ایشن کے ایسوسی ایٹ سیکریٹری رائے عثمان مہمان خصوصی تھے اولمپئین اصلاح الدین نے کھلاڑیوں سے انکا تعارف کروایا ۔اولمپئین اصلاح الدین و ڈاکٹر محمد علی شاہ ہاکی اکیڈمی نارتھ ناظم آباد میںمہتاب چائولہ دوسری ویٹرنز ہاکی لیگ میں گزشتہ شب کھیلے گئے پہلے میچ میں پاکستان ویٹرنز گرین نے ٹی این ٹی ویٹرنز کو باآسانی 8 گول سے شکست دیدی ، میچ کی خاص بات اولمپئن کاشف جواد کی ہیٹ ٹرک تھی انہوں نے 5ویں 7ویں اور18ویں منٹ میں گول اسکور کرکے یہ کارنامہ انجام دیا ، اولمپئین قمر ابراھیم نے 2 گول12ویں اور 28 ویںمنٹ میں اسکور کئے ، سابق انٹر نیشنل محمد علی نے بھی2 مرتبہ گیند کو جال کی نذر کیا انہوں نے 14 ویںا ور 38 ویں منٹ میں گول بنائے جبکہ اولمپئین سید سمیر حسین نے 39 ویںمنٹ میں گول اسکور کیا۔
