ٹھٹھہ (نمائندہ جسارت) الخدمت فاؤنڈیشن ضلع ٹھٹھہ کے صدر محمد ریاض جیلانی نے باندھی ضلع نواب شاہ میں روڈ حادثے میں سابقہ نائب امیر جماعت اسلامی صوبہ سندھ محمد عظیم بلوچ بھائی، شہداد پور کے امیر عرفان لاکھو بھائی، اور غلام رسول بھائی کی روڈ حادثے میں شہادت پر انتہائی دکھ اور غم کا اظہار کیاہے اور دعا کی اللہ تبارک وتعالیٰ مرحومین کو اپنے جوار رحمت میں اعلیٰ مقام عطا فرمائے اور پسماندگان اور دوستوں، ساتھیوں کو صبر جمیل عطا فرمائے۔ آمین۔ ٹھٹھہ الخدمت فاؤنڈیشن کی تمام ٹیم مرحومین کیلیے مغفرت کی دعا گو ہے۔ جبکہ حادثے میں شدید زخمیوں کی صحت یابی کیلیے دعاکی۔
