ٹھٹھہ (نمائندہ جسارت ) محکمہ صحت سندھ کے حکم پر سول سرجن سول اسپتال ٹھٹھہ ڈاکٹر سکندر شاہ کی جانب سے سینئر ڈاکٹر کی ٹیم جس میں اسسٹنٹ میڈیکل سپرنٹنڈنٹ ڈاکٹر گیانچند، ڈینٹل سرجن ڈاکٹر شیام کمار، سینئر فزیشن ڈاکٹر حنیف میمن اور ڈاکٹر جمال حسین جاکھرو پر مشتمل میڈیکل بورڈ تشکیل دیا۔بورڈ کے ڈاکٹر نے جوڈیشل لاک اپ جیل ٹھٹھہ کا دورہ کیا جہاں موجود قیدیوں کا ڈینٹل، مینٹل چیک اپ کیا اور رپورٹ بنائی۔ اس دوران ڈینٹل کمار ڈاکٹر شیام کمار نے قیدیوں کے دانتوں کا معائنہ کرنے کے بعد مفت پیسٹ اور برش دیے، حکم کے تحت یہ بورڈ ہفت روزہ جیل کا دورہ کرکے قیدیوں کا معائنہ کرے گا۔
