لاہور،اسحاق ڈار کی کوٹھی کو نیلام کرنے کا اشتہار دے دیا گیا

لاہور(نمائندہ جسارت) ضلعی انتظامیہ نے سابق وزیر خزانہ اسحاق ڈار کی ایچ بلاک گلبرگ میں واقع کوٹھی کو نیلام کرنے کا اشتہار دے دیا۔ نیلامی 28 جنوری کو 12 بجے ہوگی۔ 12 کمروں پر
مشتمل 4 کنال 17 مرلے کی کوٹھی کی سرکاری بولی 18 کروڑ 50 لاکھ روپے مقرر ہے۔ کامیاب بولی دہندہ کو 25 فیصد رقم فوری جمع کروانا ہو گی جبکہ باقی رقم 7 یوم کے اندر جمع کروانا ہوگی۔ اسحاق ڈار کی کو ٹھی گلبرک تھری میں واقع ہے۔