سندھ بلوچستان باکسنگ ‘دوسرے روز بھی بلوچستان سرفہرست

کراچی(اسٹاف رپورٹر)سندھ اسپورٹس بورڈ اور سندھ باکسنگ ایسو سی ایشن کے اشتراک سے5روزہ گڈول باکسنگ سیریز میں دوسرے دن بھی مقابلے جاری رہے سندھ اور بلوچستان کے باکسرز نے عمدہ کارکردگی کا مظاہرہ کرتے ہوئے شائقین باکسنگ کے دل جیت لئے‘ استاد عبداللہ بلوچ باکسنگ اسٹیڈیم پیپلز اسپورٹس کمپلیکس لیاری میں کل16 مقابلے ہوئے جس میں سندھ کے باکسرز نے7اور بلوچستان کے باکسرز نے9 مقابلے جیت کر اپنی پہلے روز کی برتری کو بر قرار رکھا تفصیلات کے مطابق44 کے جی میں بلوچستان کے طیب اللہ نے سندھ کے شعیب کو‘ سندھ کے سردک نے سندھ کے فرحاد کو‘46 کے جی میں سندھ کے گلزار نے سندھ ہی کے محمد طاہر کو‘ بلوچستان کے سیف اللہ نے بلوچستان کے ہی حفظہ کو‘ سندھ کے تبادک نے سند کے کاشف کو‘48 کے جی میں بلوچستان کے حبیب اللہ نے بلوچستان کے خیال خان کو‘ بلوچستان کے شمس اللہ نے بلوچستان کے نعمان کو‘50 کے جی میں سندھ کے ہمدان نے بلوچستان کے عبدالوہاب کو‘52 کے جی میں بلوچستان کے امین اللہ نے بلوچستان کے نذر اللہ کو‘57کے جی میں بلوچستان کے جواد نے سندھ کے محمد احمد کو‘49 کے جی میں سندھ کے شہباز نے فتح حاصل کی۔