ملتان(جسارت نیوز)پاکستان سپرلیگ کے میچوں کے لئے تیاریاں شروع ہوگئیں اورملتان میں ہونے والے3 میچوں کے لئے کرکٹ شائقین میںجوش وخروش بڑھ گیا۔پاکستان سپر لیگ کے میچ ملتان کرکٹ اسٹیڈیم میں 26, 28, اور 29 فروری کو منعقدہوں گے۔ اس حوالے سے جنوبی پنجاب کے شائقین کرکٹ کی تیاریاں عروج پر پہنچ گئیں۔ 33 کروڑ روپے کی لاگت سے ملتان کرکٹ اسٹیڈیم کی تزئین و آرائش کا کام مکمل کر لیا گیا ،کھلاڑیوں اور شائقین کرکٹ کے لیے اسٹیڈیم میں سہولیات میں اضافہ کر دیا گیا ہے جبکہ فول پروف سکیورٹی کے لیے اسٹیڈیم کی چاردیواری کی تکمیل کر لی گئی ہے،اسٹیڈیم کے گرائونڈ میں نئی پچز تیار اور گرین گراس کا کام بھی مکمل کر لیا گیا ہے ۔26 فروری کو کرکٹ میچ ملتان سلطان اور پشاورزلمی کے مابین شام 7 بجے شروع ہو گا ،28 فروری کو ملتان سلطان اور کراچی کنگ جبکہ 29 کو ملتان سلطان اور کوئٹہ گلیڈی ایٹر مد مقابل ہو نگے ۔
