پشاور میں کارخانو چیک پوسٹ پر دھماکے کے نتیجے میں پولیس اہلکار سمیت 10 افراد زخمی ہوگئے۔
میڈیا رپورٹس کےمطابق پشاور میں کارخانو چیک پوسٹ کےقریب خالی جگہ پر دیسی ساختہ مواد پھٹنے سے دھماکہ ہوا جس میں 10 افراد زخمی ہوگئے ہیں۔
دھماکے اطلاع ملتے ہی پولیس اور ریسکیو کی ٹیمیں جائے حادثہ پر پہنچ گئیں اور زخمیوں کو ایچ ایم سی اسپتال منتقل کردیا گیا۔
ایچ ایم سی اسپتال انتظامیہ کے مطابق زخمیوں میں 5 خواتین بھی شامل ہیں جن میں سے 2 کی حالت تشویشناک ہے۔
پولیس حکام کے مطابق دھماکا دیسی ساختہ بم کا تھا۔
