لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے مختلف مقامات پر جرائم پیشہ افراد کیخلاف کارروائیاں کرتے ہوئے سنگین نوعیت کے مقدمات میں اشتہاری، روپوش و مطلوب 5 ملزمان کو گرفتار کرکے چوری شدہ بھینس، موٹر سائیکل، موبائل فونز اور اسلحہ برآمد کرکے مقدمات درج کرلیے۔ بقاپور پولیس نے روپوش ملزم رسول بخش عمرانی کو چوری شدہ موٹر سائیکل اور موبائل فون سمیت، سول لائن پولیس نے پانچ سے زائد مقدمات میں اشتہاری ملزم رجب جاگیرانی کو، آریجہ پولیس نے اشتہاری ملزم مرتضیٰ کلہوڑو کو، حیدری پولیس نے قتل مقدمے میں اشتہاری ملزم ارشاد شریف کو، علی گوہر آباد پولیس نے اغوا مقدمے میں مطلوب ملزم زین بگھیو کو گرفتار کرلیا۔ دوسری جانب انچاج آئی ٹی سب انسپکٹر غلام شبیر میرانی نے چوری اور گمشدہ موبائل فونز ٹریس آئوٹ کرکے شہری سرور سولنگی سمیت دیگر اصل مالکان کے حوالے کردیے ہیں۔
