اسلام آباد(نمائندہ جسارت) الیکشن کمیشن نے چیئرمین پیپلزپارٹی بلاول زرداری کو ان کے گوشواروں میں تضاد پر 14 جنوری کو طلب کرلیا ہے۔ الیکشن کمیشن نے بلاول کے خلاف کرپٹپریکٹسز کے تحت کاروائی شروع کردی ہے اور اس حوالے سے الیکشن کمیشن نے چیئرمین پیپلزپارٹی کو نوٹس جاری کرتے ہوئے 14 جنوری کو طلب کرلیا ہے۔ذرائع کا کہنا ہے کہ چیئرمین پی پی پی بلاول زرداری کو ان کے گوشواروں میں تضاد پر طلب کیا گیا ہے، انہیں متعدد مرتبہ گوشواروں میں تضاد دور کرنے کا موقع فراہم کیا گیا تھا، نوٹس میں کہا گیا ہے کہ بلاول زرداری 14 جنوری کو ذاتی حیثیت میں یا بذریعہ وکیل پیش ہوں۔ بلاول کی جانب سے الیکشن کمیشن کے دائرہ اختیار پر بھی اعتراض اٹھایا گیا تھا۔
