آکلینڈ (جسارت نیوز) امریکا کی نامور ٹینس ا سٹار اور ایونٹ کی ٹاپ سیڈڈ سرینا ولیمز اور ڈنمارک کی کیرولین وزنائیکی فتوحات کے تسلسل کو برقرار رکھتے ہوئے آکلینڈ اوپن ٹینس ٹورنامنٹ ویمنز ڈبلز سیمی فائنل میں پہنچ گئیں۔ بدھ کو نیوزی لینڈ میں خواتین کھلاڑیوں پر مشتمل آکلینڈ اوپن ٹینس ٹورنامنٹ میں کھیلے گئے ویمنز ڈبلز کوارٹر فائنل میچ میں امریکی ٹینس ا سٹار اور سابق عالمی نمبر ایک سرینا ولیمز اور ڈنمارک کیرولین وزنائیکی نے شاندار کارکردگی کا مظاہرہ کرتے ہوئے فتح حاصل کی۔
