تہران: انٹرنیشنل ایئرپورٹ پریوکرین کا بوئنگ 737 مسافر طیارہ گرکر تباہ ہوگیا جس کے نتیجے میں 176 مسافر ہلاک ہوگئے۔
غیرملکی خبررساں ایجنسی کے مطابق ایران کے دارالحکومت تہران کے انٹرنیشنل ایئرپورٹ پریوکرین کا بوئنگ 737 مسافرطیارہ ٹیک آف کے چند ہی منٹ بعد گرگیا۔ طیارے میں سوار167 مسافروں سمیت 09 عملے کے ارکان بھی سوار تھے۔
بوئنگ 737 مسافرطیارہ تہران سے یوکرائن کے دارالحکومت کیف جا رہا تھا۔
حادثہ تکینکی خرابی کے باعث ہوا۔ طیارے کے پائلٹ نے ہنگامی لینڈنگ کی کوشش کی لیکن طیارہ زمین پرگرکرتباہ ہوگیا۔
دوسری جانب یوکرائن نے ایران کو مسافروں کی لسٹ فراہم کردی ہے جس میں ان کے نام درج تھے۔