کراچی: عثمان انسٹیٹیوٹ آف ٹیکنالوجی کے طلبہ نے ربوٹکس کی دنیا میں ایک بار پھر میدان مار لیا ہے، فرسٹ سیمسٹر سے تعلق رکھنے والےچار طالب علموں کے گروپ نے لائن فلوونگ ربوٹکس میں اپنی زبردست کارکردگی کا مظاہرہ کر کے سب کو حیران کر دیا۔
نجی یورنیورسٹی میں منعقد ہونے والے میجر عدیل شہید میموریل ربوٹکس اینڈ ڈران مقابلے میں نمایاں کامیابی حاصل کر لی ہے۔مقابلے میں کراچی کی سات بڑی انجینئرنگ جامعات سے 20 ٹیموں نے حصہ لیا تھا۔ جس میں عثمان انسٹیوٹ آف ٹیکنالوجی کی ٹیم نے ٹوپ فائیو میں اپنی جگہ بنا لی۔
مقابلہ جیتنے والے طالب علموں کا کہنا ہے کہ پڑھائی کے ساتھ ساتھ اس طرح کے مقابلوں میں شرکت سے اپنی صلاحیتوں کا اندازہ ہوتا ہے اور ٹیکنالوجی کی دنیا میں خود کو منوانے کا موقع بھی ملتا ہے۔
