شیخوپورہ(آئی این پی)شیخوپورہ میں گزشتہ سال 2019میں ٹریفک کے 9730حادثات ہوئے جن میں 171افراد موقع پر ہی دم توڑ گئے۔ 521افراد زخموں کی تاب نہ لاتے ہوئے مقامی اسپتالوں میں جا کر زندگی کی بازی ہار گئے جبکہ 11892 افراد زخمی ہوئے ، پاکستان میں ٹریفک حادثات کی سب سے بڑی وجوہات ٹریفک قوانین پر عمل درآمد نہ کرنا، ڈرائیور کی غلطی، اوور لوڈنگ، گاڑیوں کی عدم فٹنس، تیز رفتاری، کم عمری میں ڈرائیورنگ، دوران ڈرائیورنگ موبائل فون کا استعمال ہے جس سے لاکھوں افراد حادثات کی نظر ہو جاتے ہیں ۔
