لاڑکانہ (نمائندہ جسارت) لاڑکانہ پولیس نے مبینہ مقابلے میں ایک ملزم کو گرفتار کرکے اسلحہ برآمد کرنے کا دعویٰ کیا ہے۔ مارکیٹ تھانہ کی پولیس نے دوران گشت کے دوران پیر سرکٹیہ کے قریب مبینہ پولیس مقابلے میں ملزم سعید میرجت کو زخمی حالت میں گرفتار کرکے اسلحہ برآمد کرلیا ہے۔ اس حوالے سے مارکیٹ پولیس کا کہنا ہے کہ ملزم سعید میرجت مختلف تھانوں کے کئی مقدمات میں روپوش اور سرگرم ملزم تھا، جسے مقابلے میں زخمی حالت میں گرفتار کرکے ریوالور اور گولیاں برآمد کرکے ملزم کے کرمنل ریکارڈ کا جائزہ لے رہے ہیں۔ دوسری جانب گرفتار ملزم کو علاج کے لیے چانڈکا اسپتال منتقل کیا گیا جہاں انہیں طبی امداد دی جارہی ہے۔ اللہ آباد محلے میں بجلی کی 11 ہزار تاروں سے کرنٹ لگنے کے باعث 6 سالہ علی رضا ولد گلزار میمن زخمی اور بے ہوش ہوگیا جسے ورثگا نے بے ہوشی کی حالت میں چانڈکا اسپتال کے شعبہ حادثات منتقل کیا، جہاں زخمی بچے کو طبی امداد دی گئی۔ ورثا کے مطابق علی رضا گھر کی چھت پر چڑھ کر کھیلنے گیا، جہاں بجلی کی 11 ہزار تاروں سے کرنٹ لگنے کے باعث وہ زخمی اور بے ہوش ہوا جسے اسپتال منتقل کیا گیا۔ دوسری جانب زخمی بچے کی حالت خطرے سے باہر بتائی جاتی ہے۔
