راولپنڈی (جسارت نیوز)پیر مہر علی شاہ بارانی زرعی یونیورسٹی راولپنڈی میں جاری تین روزہ انٹر فیکلٹی باسکٹ بال چیمپیئن شپ بارانی انسٹیٹیوٹ آف مینجمنٹ سائنسز نے جیت لی۔فائنل میچ میں بارانی انسٹیٹیوٹ آف مینجمنٹ سائنسز کی ٹیم نے فیکلٹی آف زراعت کی ٹیم کو 41-24کے سکور سے شکست دی۔ یونیورسٹی کے وائس چانسلر پروفیسر ڈاکٹر قمرالزمان فائنل میچ کے مہمان خصوصی تھے ۔ تقریب سے خطاب کرتے ہوئے انھوں نے جیتنے والی ٹیم کو مبارکباد دی اور ان میں انعامات تقسیم کیئے۔ انھوں نے کہا کہ کھیلوں سے نہ صرف جسمانی فٹنس میں اضافہ ہوتا ہے بلکہ خود اعتمادی کے ساتھ ساتھ دماغی استعداد کار بٹرھانے میں بھی معاون ثابت ہوتی ہیں۔
