سکھر (نمائندہ جسارت) سکھر میں بچوں کا پاک فوج کی حمایت میں مظاہرہ، نعرے بازی، بچوں نے قومی پرچم اور پلے کارڈ اٹھا رکھے تھے، سکھر میں بچوں کی یونین بچہ یونین کی جانب سے نواں گوٹھ کے علاقے میں صدر مسعود بندھانی کی قیادت میں پاک فوج کی حمایت میں مظاہرہ کیا گیا۔ بچوں نے ہاتھوں میں پلے کارڈ اور قومی پرچم اٹھا رکھے تھے اور وہ پاک فوج کی حمایت میں نعرے بازی کررہے تھے۔ اس موقع پر بچوں کا کہنا تھا کہ ملک کے دفاع کے لیے بچہ بچہ قربان ہونے کو تیار ہے اور پاک فوج کے ساتھ ہے۔ انہوں نے کہا کہ ہماری فوج دنیا کی سب سے زیادہ بہادر اور نڈر فوج ہے، جس نے ملک کی سلامتی کے لیے جانوں کی قربانیاں دی ہیں۔
