سندھ پولیس کے محکمہ انسداد دہشت گردی سی ٹی ڈی نے دہشت گردوں کی نگرانی کے لئے صوبوں کے مختلف ائیر پورٹس پر برانچز قائم کرنے کا فیصلہ کرلیا۔
،تفصیلات کے مطابق صوبائی دارالحکومت کراچی کے جناح انٹرنیشنل ائیر پورٹ ،حیدرآباد، سکھر اور نواب شاہ ائیر پورٹس پر سی ٹی ڈی کے دفاتر کے لئے سول ایوی ایشن سے جگہ مانگ لی گئی ہے۔
ایڈیشنل آئی جی سی ٹی ڈی نے پولیس چیف کو نوٹی فیکیشن جاری کرنے کے لئے خط لکھا جس میں سی ٹی ڈی کے نئے یونٹس کو سی ٹی ڈی واچ برانچ کا نام دینے کی سفارش بھی کی گئی۔ خط میں مزید کہا گیا ہے کہ واچ برانچ سندھ کے ائیرپورٹس کی حدود میں دہشت گرد اور جرائم پیشہ عناصر کی حرکات و سکنات پر نظر رکھے گی۔
