سکھر (نمائندہ جسارت) سکھر میں پولیس مقابلہ، تھانہ دبر کی حدود جتوئی باگ لنک روڈ سنگرار کے قریب پولیس پارٹی کا دوران گشت ڈاکوؤں سے مقابلے کے نتیجے میں متعدد سنگین مقدمات میں مطلوب ڈاکو کو زخمی حالت میں گرفتار کرکے اسلحہ برآمد کرلیا۔ پولیس ترجمان کے مطابق گشت پر مامور پولیس پارٹی کا دبر کے علاقے جتوئی باگ کے قریب واردارت کے ارادے سے کھڑے ڈاکوؤں سے مقابلہ ہوا، ایک ڈاکو آفتاب عرف رجب میرانی زخمی حالت میں گرفتار کرلیا گیا۔ گرفتار ڈاکو، موٹر سائیکل چوری، ڈکیتی، پولیس مقابلوں سمیت دیگر سنگین جرائم میں سکھر پولیس کو انتہائی مطلوب تھا۔ ملزم کے قبضے سے ٹی ٹی پستول، میگزین، گولیاں برآمد جبکہ ایک ڈاکو اندھیرے کا فائدہ اٹھاتے ہوئے فرار ہوگیا۔ گرفتار زخمی ڈاکو کو سول اسپتال منتقل کردیا گیا۔ دیگر فرار ڈاکوؤں کی گرفتاری و تعاقب کے لیے نفری طلب، علاقے میں سرچ آپریشن جاری ہے۔
