ٹھٹھہ (نمائندہ جسارت) ڈپٹی کمشنر محمد عثمان تنویر کی جانب سے انسداد پولیو مہم کے دوران بہتر کارکردگی کا مظاہرہ کرنے والے پولیو ورکرز کو نقد انعامات اور تعریفی سرٹیفکیٹ پیش کیے گئے۔ ڈپٹی کمشنر ٹھٹھہ محمد عثمان تنویر کی جانب سے اپنے دفتر میں حالیہ انسداد پولیو مہم کے دوران کوہستانی علاقوں جھنگڑی اور جھمپیر یونین کونسلوں میں بہتر کارکردگی کا مظاہرہ کرنے والے ایریا انچارج سمیت 13 پولیو ٹیم ورکرز کو دس دس ہزار روپے نقد انعامات اور تعریفی سرٹیفکیٹ پیش کیے گئے جبکہ ڈبلوی ایچ او کی جانب سے مقررہ ٹیم پارٹنرز کو بھی تعریفی سرٹیفکیٹ دیے گئے۔
