بورے والا (جسارت نیوز)گورنمنٹ ایم سی ماڈل ہائی ا سکول کے ہاکی گرائونڈ میں 47ویں آل پنجاب ہاکی بیاد خواجہ عبدالشکور الدین ناگوری ٹورنامنٹ کے سلسلے میں دوسرے روز ویلفیئر اسپورٹس بہاولنگر اور صادق ہاکی کلب منڈی صادق گنج کی ٹیموں کے مابین کھیلا گیا۔ جس صادق ہاکی کلب منڈی صادق گنج کی ٹیم نے ایک کے مقابلے میں 2 گول سے جیت لیا۔ اس میچ کے مہما نان خصوصی سابق کونسلرز سیٹھ محمد علی، سیٹھ اسرار احمد، ڈاکٹر محمد سرور اور چوہدری محمد سلیم گوجر تھے۔ میچ شروع ہونے سے قبل مہمان خصوصی کا دونوں ٹیموں کے کھلاڑیوں سے تعارف کروایا گیا۔ میچوں میں امپائرنگ کے فرائض محمد شبیر (نیشنل) اور دلداراسلم نے انجام دیے۔
