نیب راولپنڈی نے بلاول بھٹو کو جے وی اوپل کیس میں 24 دسمبر کو طلب کیا ہے۔
خبر کے مطابق نیب حکام نے بلاول بھٹو زرداری کو زرداری گروپ آف کمپنیز کے اکاؤنٹ سے ایک ارب 22 کروڑ روپے کی جے وی اوپل میں منتقلی کیس کی تحقیقات کے سلسلے میں طلب کیا ہے ۔چیئرمین پیپلز پارٹی بلاول بھٹو زرداری ، زرداری گروپ آف کمپنیز میں 25 فیصد حصص کے مالک ہیں جس پر نیب نے انہیں طلب کیا ہے۔
اس سے قبل بلاول بھٹو زرداری نیب کو پاک لین کمپنی کیس میں اپنا بیان ریکارڈ کرا چکے ہیں جس میں انہوں نے نیب کے الزامات سے لاتعلقی کا اظہار کیا تھا۔
