اسلام آباد (جسارت نیوز) فیڈرل بورڈ آف انٹر میڈیٹ اینڈ سیکنڈری ایجوکیشن کے زیر اہتمام فیڈرل بورڈ انٹر ڈائریکٹوریٹ اسکول ہاکی چیمپئن شپ آبپارہ ہاکی گرائونڈ اسلام آباد میں شروع ہو گئی۔ چیمپئن شپ کا افتتاح اسٹاف ویلفیئر آرگنائزیشن کے ڈائریکٹر شاہد علی خان نے کیا، اس موقع پر آرگنائزنگ سیکرٹری اللہ دتہ مہر اور فیڈرل بورڈ آف انٹر میڈیٹ اینڈ سیکنڈری ایجوکیشن کے نمائندے محمد طارق کے علاوہ شائقین بھی موجود تھے۔، چیمپئن شپ میں 11 اسکولوں کی ٹیمیں حصہ لے رہی ہیں، چیمپئن شپ کے سیمی فائنل مقابلے آج جبکہ فائنل میچ اور تیسری پوزیشن کا میچ کل کھیلا جائے گا۔
