ابو ظہبی (جسارت نیوز)مبادلہ ورلڈ اوپن ٹینس چمپئن شپ کا بارہواں ایڈیشن 19 دسمبر سے ابوظہبی میں شروع ہوگا۔انتظامیہ کے مطابق چمپئن شپ ہارڈ کورٹ پر کھیلی جائے گی جس میں دنیائے ٹینس کے نامور ٹینس اسٹار ٹائٹل کے حصول کے لئے پنجہ آزمائی کرینگے۔ ٹینس چمپئن شپ ابوظہبی کے انٹرنیشنل ٹینس کمپلیکس میں کھیلی جائے گی، چمپئن شپ میں میں مردوں کے سنگلز مقابلوں میں سربین شہرہ آفاق ٹینس اسٹار اور عالمی نمبر دو نوویک جوکوچ اپنے اعزاز کا دفاع کرینگے جبکہ خواتین کے سنگلز مقابلوں میں امریکہ کی سرینا ولیمز ٹائٹل کادفاع کرینگی۔
