سکھر (نمائندہ جسارت) ایس ایس پی سکھر کی جانب سے منڈو ڈیرو کے دور دراز علاقے میں کھلی کچہری کا انعقاد،سینئر سپرنٹنڈنٹ پولیس (ایس ایس پی) گھوٹکی عرفان علی سموں نے ڈپٹی انسپکٹر جنرل (ڈی آئی جی پی) سکھر زون کی خصوصی ہدایت پر سکھر منڈو ڈیرو کے دور دراز علاقے میں کھلی کچہری کا انعقاد کیا۔ کھلی کچہری میں بڑی تعداد میں لوگوں نے شرکت کی، جبکہ اس موقع پر متعلقہ پولیس افسران بھی موجود تھے۔ اس موقع پر موجود لوگوں نے اپنی شکایات کے ازالے کے لیے اپنی شکایات ایس ایس پی کو پیش کیں جن پر انہوں نے موقع پر احکامات جاری کیے۔
