نوابشاہ، پولیس کارروائیوں میں بھاری مقدار میں گٹکا برآمد

نوابشاہ (سٹی رپورٹر) ایس ایس پی بے نظیر آباد تنویر حسین تنیو کی ہدایات پر ضلع بے نظیر آباد پولیس کا جرائم پیشہ و منشیات فروشوں کیخلاف کریک ڈاؤن جاری، مختلف کارروائیوں میں 101 بوریاں گٹکا سپاری سمیت 290 پیکٹ زیڈ 21 گٹکا برآمد، 3 ملزمان کو گرفتار کرکے ان کیخلاف مقدمہ درج کرلیا۔ انچارج اے وی سی سی مبین احمد پرہیاڑ نے اپنی ٹیم کے ہمراہ خفیہ اطلاع پر نوابشاہ میں آئل ٹینکر پر چھاپا مار کر 101 بوریاں گٹکا برآمد کرکے منشیات ڈیلرز 2 ملزمان یار محمد ولد انار گل بروہی اور عبدالحمید ولد عبدالغفار بروہی کو گرفتار کرلیا جو بلوچستان سے نوابشاہ میں منشیات فروش کررہے تھے۔ دوسری جانب ایس ایچ او قاضی احمد نے خفیہ اطلاع ملنے پر منشیات فروش رانجہن رند کے اڈے پر چھاپا مار کر 290 پیکٹ Z21 گٹکا برآمد کیا ہے۔ پولیس نے 3 ملزمان کیخلاف مقدمہ درج کرلیا ہے۔