فیصل آباد (آئی این پی) مختلف حادثات میں خاتون سمیت 3 افراد جاں بحق، حادثات کے مرتکب تینوں ڈرائیور موقع سے فرار۔ پہلا حادثہ شیخوپورہ روڈ پر پیش آیا، جہاں نامعلوم کار کی موٹر سائیکل سوار کو ٹکر، سبینہ ٹائون کا رہائشی 20 سالہ نوجوان مہتاب موقع پر ہی جاں بحق ہوگیا۔ دوسرے حادثے میں راجباہ روڈ پر چنگ چی رکشے میں سوار 55 سالہ نا معلوم خاتون کو بس نے کچل ڈالا، تیسرا حادثہ سمندری روڈ پر پیش آیا جہاں تیز رفتار بس نے موٹر سائیکل سوار کو کچل دیا۔ حادثے کے نتیجے میں 28 سالہ حسن جاں بحق ہوگیا۔ حادثے کے بعد نامعلوم کار موقع سے فرار جبکہ پولیس نے دونوں بسیں قبضے میں لے لیں جبکہ ان کے ڈرائیور موقع سے فرار ہوگئے۔
