کراچی (اسٹاف رپورٹر) فضائیہ انٹر کالج اسکواش چیمپئن شپ فضائیہ ڈگری کالج بیس فیصل کے اسکواش کمپلیکس میں منعقد کی گئی ۔ تقریب بیس کمانڈر فیصل بیس ایئر کموڈور آفتاب عالم کی سر براہی میں شروع ہوئی۔ اسکواش تقریب میں معروف اسکواش چیمپئن جہانگیر خان اور ائر مارشل عباس گھمن نے بھی خصوصی طورپر شرکت کی۔ اسکواش چیمپئن شپ میں کراچی کے تمام فضائیہ اسکول جونئر اور سینئر نے حصہ لیا۔ اس مقابلے میں فضائیہ انٹر کالج کورنگی کریک، فضائیہ انٹر کالج ملیر اور فضائیہ ڈگری کالج ،فیصل کی ٹیمیں فائنل میں پہنچی اور فضائیہ ڈگری کالج ،فیصل جونئر اور سینئر سیکشن نے یہ مقابلہ جیت کر چیمپئن ٹرافی اپنے نام کی۔سینئر ز میں کورنگی کریک نے اور جونیئر ز میں ملیر نے دوئم انعام حاصل کیاجبکہ فضائیہ انٹر میڈیٹ کالج کے طلباء نے اس مقابلے میں دوسری پوزیشن حاصل کی۔تقریب کے اختتام پر جہانگیر خان نے کہا کہ کامیابی کیلیے شارٹ کٹ سست اور کاہل لوگ ڈھونڈتے ہیں۔
