بینظیر بھٹو کی برسی جائے وقوع پر منائیں گے، قمر زمان کائرہ

گجرات(آن لائن) پاکستان پیپلز پارٹی پنجاب کے صدر قمر زمان کائرہ نے کہا ہے کہ بے نظیر بھٹو کی برسی جائے وقع پر منائیں گے، ہمیں لیاقت باغ کو نہیں بھرنا بلکہ پورے راولپنڈی کو کارکنوں سے بھرنا ہے۔ ان خیالات کا اظہار انہوں نے محترمہ بے نظیر بھٹو شہید کی برسی کے سلسلے میں پیپلز پارٹی ضلع گجرات کے تنظیمی اجلاس سے خطاب کرتے ہوئے کیا۔ اس موقع پر ضلعی صدر چودھری ضیا محی الدین، ضلعی جنرل سیکرٹری ڈاکٹر زاہد ظہیر،سٹی صدر رضوان چوھری، چودھری اظہر اقبال موجود تھے۔
قمر زمان کائرہ