ڈنمارک (آئی این پی)سابق عالمی نمبر ایک ٹینس اسٹار کیرولین وْزنیاکی نے جنوری 2020ء میں آسٹریلین اوپن کے بعد عالمی مقابلوں سے دستبرداری کا اعلان کر دیا۔خبر رساں ایجنسی کے مطابق ڈنمارک سے تعلق رکھنے والی ٹینس اسٹار کیرولین وْزنیاکی نے گزشتہ سال آسٹریلین اوپن بھی جیتا۔ تاہم ان کا کہنا ہے کہ آئندہ سال جنوری کے بعد وہ عالمی مقابلوں کیلئے ٹینس کورٹ میں نظر نہیں آئیں گی۔ڈنمارک اسٹار 29 سالہ کیرولین وزنیاکی نے دنیا کی نمبر ون ٹینس اسٹار کا بھی اعزاز پایا۔ تاہم انجری کا شکار ہو کر اب وہ سینتیویں نمبر پر ہیں۔کیرولین وزنیاکی نے اپنے ٹینس کیریئر میں 30 ڈبلیو ٹی اے سنگل ٹائٹل جیتے اور 2010ء میں ٹاپ رینک پر رہیں۔
