ملتان: حاجی پل کے قریب پولیس مقابلے میں 4 ڈاکو ہلاک

ملتان (آن لائن) تھانہ صدر جلالپور کے علاقے پرمٹ روڈ حاجی پل کے قریب پولیس مقابلے میں 4 ڈاکو ہلاک ہوگئے۔ پولیس کا دعویٰ ہے کہ ڈاکو اپنے ہی ساتھیوں کی فائرنگ سے ہلاک ہوئے۔ پولیس کے مطابق حاجی پل کے قریب 9 سے 10 مسلح ڈاکو ناکہ لگاکر لوٹ مار میں مصروف تھے، اطلاع ملنے پر پولیس پہنچی تو ڈاکوؤں نے پولیس پر فائرنگ کردی۔ مقابلے کے بعد پولیس نے قریب جا کر دیکھا تو 4 ڈاکو اپنے ہی ساتھیوں کی فائرنگ سے زخمی حالت میں پڑے تھے جو بعد ازاں ہلاک ہو گئے۔ جبکہ ان کے دیگر ساتھی رات کا فائدہ اٹھاتے ہوئے موقع سے فرار ہو گئے۔ ہلاک ڈاکوؤں سے 2 کلاشنکوف، 2 بریٹا پسٹل اور ایک موٹر سائیکل 125 برآمد کیا گیا۔ ایک ڈاکو کی شناخت شوکت عرف شوکی قلال سے ہوئی جو ڈکیتی کی متعدد وارداتوں میں پولیس کو مطلوب تھا جبکہ دیگر ڈاکوؤں کی شناخت کی جا رہی ہے۔
پولیس مقابلے