سکھر (نمائندہ جسارت) محکمہ کسٹم کی اکبر بگٹی ایکسپریس پر کارروائی، 40 لاکھ روپے سے زائد کی مالیت کا غیر ملکی سامان برآمد کر لیا گیا۔ ڈپٹی کلیکٹر کسٹمز سکھر عمران رسول کے مطابق روہڑی ریلوے اسٹیشن پر ریل گاڑی سے اجینو موتو، کمبل اور دیگر قیمتی سامان بر آمد کیا گیا۔ غیر ملکی سامان کوئٹہ سے لاہور اسمگل کیا جارہا تھا۔ کارروائی میں غیر ملکی سامان تحویل میں لے لیا گیا، ملزمان فرار ہوگئے۔ تفتیش کے بعد مزید کارروائی کر کے ملزمان کیخلاف مقدمہ درج کیا جائے گا۔
