سکھر (نمائندہ جسارت) پولیس کی جرائم پیشہ افراد کیخلاف کارروائیاں جاری، چور گروہ کے سرغنہ سمیت دو ملزمان گرفتار، قبضے سے 2 لاکھ مالیت کی مسروقہ سولر پلیٹس و دیگر سامان برآمد، مقدمہ درج۔ پولیس ترجمان کے مطابق تھانہ (سائٹ) پولیس نے اطلاع پر قریشی گوٹھ کے علاقے میں کارروائی، کرکے سولر پلیٹس چور کو گرفتار کرکے 15 سولر پلیٹس برآمد کرکے مقدمہ درج کرلیا۔ ایک ماہ قبل شکور کھوسو سکنہ سائٹ ایریا کے گھر سے چوری کی گئی سولر پلیٹس برآمد کی گئیں۔ علاوہ ازیں پولیس کارروائی میں سولر پلیٹس چور گروہ کے ایک اور کارندے کو گرفتار کرکے سولر پلیٹس برآمد کرلیں۔ ایک ماہ قبل مذکورہ چور مدرسہ شمس العلوم سے 6 سولر پلیٹس اتار کر لے گئے تھے۔ گرفتار ملزمان میں علی وارث جونیجو اور اشفاق شامل ہیں۔ برآمد شدہ پلیٹس مالکان کے حوالے کردی گئیں۔
