معذوروں کے عالمی دن پر لاڑکانہ میں معذور شخص کی خودکشی

لاڑکانہ(نمائندہ جسارت)لاڑکانہ میں چار بچوں کے معذور باپ نے بے روزگاری سے تنگ آکر خودکشی کرلی۔دڑی تھانہ کی حدود میں بلاول کالونی کے رہائشی اللہ بخش سومرو نے خود کو مبینہ
طور پر گھر میں لگے درخت سے لٹکا کر خودکشی کی۔ پولیس نے لاش کو ضابطے کی کارروائی کیلیے چانڈکا سول اسپتال منتقل کردیا ہے۔ورثا نے پولیس کو بیان دیا کہ اللہ بخش نے خودکشی سے قبل اہلخانہ اور بچوں کو اپنے عزیزوں کے گھر بھیجا اور پھر انتہائی قدم اٹھایا۔واضح رہے کہ معذور افراد کے ساتھ اظہار یکجہتی کیلیے پاکستان سمیت دنیا بھر میں گزشتہ روز دن منایا گیا جس کا مقصد معذوروں کو درپیش مسائل اجاگر کرنا اور معاشرے میں ان افراد کی افادیت پر زور دینا ہے۔
خودکشی