گلگت بلتستان بیورو کریسی میں  تقرر و تبادلے

گلگت (اے پی پی) گلگت بلتستان کی بیورو کریسی میں 2 یڈیشنل سیکرٹریز اور 8 ڈپٹی سیکرٹریز کے تبادلے و تعیناتیاں کردی گئیں۔ محکمہ سروسز سے جاری نوٹیفکیشن کے مطابق گریڈ 19 کے محکمہ
تعلیم کے ایڈیشنل سیکرٹری نجیب عالم کو اپنی خدمات جاری رکھنے کی ہدایت کی گئی ہے جبکہ اے اینڈ جی ڈی میں پوسٹنگ کے منتظر گریڈ 19 کے افسر صفدر خان کو محکمہ جنگلات، جنگلی حیات اور ماحولیات کا ایڈیشنل سیکرٹری تعینات کیا گیا ہے۔ گریڈ 18 کے ڈپٹی سیکرٹری شکور رحمان کا محکمہ جنگلات سے سروسز اینڈ جنرل ایڈ منسٹریشن، محمد علی خان کا محکمہ زراعت سے جنگلات، محمد موسیٰ کا محکمہ صحت سے گورنر سیکرٹریٹ، شمس الدین کا گورنر سیکرٹریٹ سے محکمہ صحت، میر زمان کا محکمہ اطلاعات سے زراعت اور اظہار اللہ کا محکمہ تعلیم سے محکمہ فنانس تبادلہ کر دیا گیا ہے جبکہ گریڈ 17 کے ڈپٹی پروانشل کوآرڈینیٹر شہریار کو محکمہ پلاننگ اینڈ ڈیولپمنٹ کا ڈپٹی سیکرٹری اور محکمہ تعلیم کے سیکشن افسر وزیر حسن کو محکمہ تعلیم میں ہی ڈپٹی سیکرٹری تعینات کیا گیا ہے۔