لاڑکانہ (نمائندہ جسارت) ڈی آئی جی لاڑکانہ عرفان علی بلوچ کی سربراہی میں ڈپارٹمنٹل پروموشن کمیٹی کا اجلاس ہوا، جس میں 6 سینئر اسسٹنٹ سب انسپکٹر جاوید کلہوڑو، سرفراز لاڑک، اسد کاکیپوٹو، عاشق تونیو، روشن بھٹی اور ہدایت علی شاہ کو پروموشن دے کر انسپکٹر بنایا گیا جبکہ 49 سینئر ہیڈ کانسٹیبلز میر اصغر مغیری، منیر ڈہر، مرید عباس لغاری، غلام نبی میرانی، حاکم لاشاری، محمد بخش گوپانگ، وحید چنا سمیت دیگر کو اسسٹنٹ سب انسپکٹر بنا دیا گیا۔ اس موقع پر حال ہی میں پروموٹ ہونے والے افسران انسپکٹر عمران احمد بھٹی، رفیق احمد سانگی، اظہار احمد گاد، وزیر علی بھٹو، ممتاز مغیری، فرمان بھٹو و دیگر کو رینک بھی لگائے گئے۔ اس موقع پر ڈی آئی جی نے ایس ایچ او گڈو عمران علی بھٹی کو اشتہاری اور روپوش ملزمان کیخلاف چلائی گئی مہم کے دوران بہترین کارکردگی دکھانے پر انعام اور تعریفی سر ٹیفکیٹ بھی دیے۔
